Cristy Fermin nag-resign sa The Buzz?

April 15, 2008

Marami ang nagulat sa biglaang pagkawala ni Cristy Fermin sa The Buzz nu’ng nakaraang Linggo.

Ang ikinaloka pa ng co-host niyang si Boy Abunda, siya raw ang sinisisisi sa pagre-resign ni Cristy.

Ayaw pang magsalita ni Boy dahil ayaw niyang makialam sa usapin ng ABS-CBN at ni Cristy.

Talent lang din daw siya kaya mahirap makialam.

Sabi pa ni Boy, marami pa siyang dapat malaman dahil ’di lahat ng nakararating sa kanya ay pinaniniwalaan niya.

Ang management daw ng Dos ang dapat tanungin tungkol sa diumano’y pagre-resign ni Cristy.

Iba raw ang pinagsamahan nila ng columnist-TV host, ganundin ng network, kaya malabo kung papipiliin siya kung sino ang papanigan.

Lalabas at malalaman din daw ang tunay na dahilan ng pag-alis ni Ms. Fermin sa naturang showbiz talk program.

Pakiusap ni Boy, huwag siyang pagbintangan sa nangyari at huwag papiliin kung sino ang mas matimbang, ang ABS-CBN o si Cristy?

Hindi kaya may kaugnayan ito sa pagge-guest ni Annabelle Rama at pagsasalita tungkol sa ipinanalong kaso ng libelo, na diumano’y ’di nagustuhan ni Cristy?

(Latebreaker: As of presstime, we got word from ABS-CBN Corporate Communications head Bong Osorio na hindi nag-resign si Cristy sa The Buzz.

The text message Bong sent Tonight last night read: ‘No, Cristy Fermin has not resigned from The Buzz, but she will not be in the show on April 20 and 27 because of a commitment in Canada.

‘If plans push through, she is scheduled to leave on April 17.’ — IFF)

Bookmark to: