Baby ni Jennylyn Mercado, kahawig ni Patrick Garcia

August 19, 2008

Isa nang ganap na ina si Jennylyn Mercado dahil nagsilang na siya ng isang healthy baby boy noong August 16, Saturday, 8:51 a.m., sa St. Luke’s Medical Center.

’Yun nga lang, hindi nasunod ang gusto ng young actress at ng kanyang OB-gynecologist na si Dra. Judy Ann Uy-de Luna na normal delivery dahil kinailangan siyang i-caesarian nang nahirapang mag-labor.

Aug. 15 ipinasok si Jen sa hospital dahil humilab na ang kanyang tiyan. Inilagay siya agad sa high risk pregnancy unit at kung ilang oras ding nag-labor.

Pero hindi nakayanan ni Jen na ilabas nang normal ang baby kaya nagdesisyon na siyang magpa-ceasarian. The baby weighs 8.12 lbs. kaya hindi naman kataka-takang ma-CS siya.

Hindi pa namin nakikita ang bagets, pero ang sabi ay napakaguwapo raw nito, mestizo at kahawig ng amang si Patrick Garcia.

Ang nakuha naman daw kay Jen ay ang kanyang lips.

As per her doctor’s advise, no visitors allowed kay Jennylyn para madali itong maka-recover. Gusto rin muna ng privacy ng young actress with her new baby.

“Jazz” ang ipinangalan ni Jen sa baby at kasalukuyan pang iniisip ang second name.

Bookmark to: