Richard Gomez, kabado kay Kris Aquino

September 21, 2008

KAHIT super busy, laging may time si Richard Gomez para sa NMPP o Nagkakaisang Manggagawa ng Pelikulang Pilipino. Sa turn-over ng P2.5-million financial assistance ni Sen. Migz Zubiri para sa scholarship program, dumating ito at isa sa lubos na nagpasalamat sa senador sa ibinigay na tulong.

Hindi nito ini-expect na ang ’di taga-showbiz na senador pa ang unang tutulong sa advocacy ng NMPP na siya ang VP for Internal Affairs at tumutulong sa pagko-conceptualize para maging maayos ang pagpapatakbo sa programa.

Excited na ibinalita ni Richard na next week, dry run na ng iho-host niyang Family Feud, papalit sa Gobingo ni Arnell Ignacio.

Isa siya sa 10 celebrities na nag-audition to host at masaya siyang mapili ng Fremantle Media.

“I’ve been wanting to do a game show on TV at natuwa akong mapili, ngayon lang ako nabigyan ng chance. The whole show ang ginawa namin sa audition. Nag-research ako sa YouTube at pinanood ang FF UK. Binasa ko rin ang template bible na kailangang sundin.”

Makakatapat ng Family Feud ang Kapamilya, Deal or No Deal ni Kris Aquino na sabi ni Richard, gustong mag-host ng FF, pero ang Channel 7 ang nakabili ng rights.

Ano ang feeling niya na makakatapat niya si Kris?

“It’s a big task, considering na established na si Kris as game show host at mataas ang rating ng show niya. May kaba, and hopefully, mataas ang rating namin,” wish ni Richard.

Bookmark to: