Ryan Agoncillo at Judy Ann Santos, nagtitipid!

June 14, 2009

NGAYONG Linggo ng gabi ang pilot episode ng first romantic comedy series na pinagbibidahan ng mag-asawang Judy Ann Santos at Ryan Agoncillo na George and Cecil sa ABS-CBN.

Paano kaya ito tatanggapin ng mga tao? Maging curious pa rin kaya sila na panoorin ito lalo na ngayong kasal na ang dalawa?

Sa teaser ng George and Cecil sa TV, halatang effortless ang acting ng dalawa. Para nga lang silang naglalaro. Ganu’n talaga marahil kapag masyado na silang komportable sa isa’t isa.

Dahil magkasama na sa taping ng program sina Ryan at Juday, minus gastos na rin sila sa sasakyan.

“Mas nakakatipid kami ngayon kasi isang car na lang ang ginagamit namin. Sabay kami nagpupunta sa set at sabay na ring umuuwi,” kuwento pa ni Ryan.

Kasama rin nga pala sa George and Cecil sina Tessie Tomas, Malou de Guzman, Al Tantay, Ina Asistio, Dino Imperial at ang mag-asawang Christopher Roxas at Gladys Reyes. This is written and directed by Jose Javier Reyes.

Bookmark to: